Tags-Aangan

maiñ Tiile pe baiThā to sunī shahr kī siskī
dekhe mire āñgan mire ghar shaam se pahle

mirī vahshat pe sahrā tañg hotā jā rahā hai
kahā to thā ye āñgan lā-mahāla kam rahegā

use adāvat thī us sabā se jo mere chehre ko chhū guzartī
vo ab nahīñ hai to apne āñgan meñ lū ke Dere lage hue haiñ

tanhā kamre suunā āñgan raat udaas
phir bhī ghar meñ sargoshī sī suntā huuñ

thakī thakī muzmahil havā ke nahīf jhoñke
ujaaḌ āñgan meñ aa ke kuchh der ruk ga.e the

dil ke āñgan meñ jo dīvār uThā lī jaa.e
ek khiḌkī bhī mohabbat kī banā lī jaa.e

ek āñgan qahqahoñ aur siskiyoñ se be-ḳhabar
chhat pe ik parcham phaTā sā aur dar par fāḳhta

aaj kī raat mirā chāñd nazar aayā hai
chāñdnī duud sī chhiTkī hai mire āñgan meñ

tumhārī saañs mahkegī ki taaza yaad bhī hogī
bhigone de mujhe āñgan ye bārish ne kahā mujh se

ek hī muzhda sub.h laatī hai
dhuup āñgan meñ phail jaatī hai

mere āñgan meñ ek paudā hai
phuul ban ke mahak uThegā tū

vo aa.e to saarā āñgan saarā gulshan mahkegā
un kā jalva ḳhushbū ban kar gul meñ aksar utregā

tujh jaisā ik āñchal chāhūñ apne jaisā dāman DhūñDūñ
maile maile sho.ala dekhūñ paanī āñgan āñgan DhūñDūñ

ye komal dhartī kyā mere bhārī dukh kā bojh sahegī
udhar idhar lākhoñ duniyā.eñ kyuuñ na koī aur āñgan DhūñDūñ

phir nāma-o-payām kā ik silsila chhiḌā
āñgan meñ ham khaḌe the vo koThe pe chaḌh ga.ī

isī ummīd par shāyad kabhī ḳhushbū koī utre
mirī yādoñ ke āñgan meñ havā.eñ raqs kartī haiñ

dīvār kyā khaḌī huī āñgan ke darmiyāñ
chhat se utartī dhuup bhī sahmī huī rahī

yūñhī dushman nahīñ dar aayā mire āñgan meñ
dhuup ko raah milī peḌ kī uryānī se

yahī ik koTharī apne liye āñgan hai baiThak hai
agar is shahr meñ jiinā hai ghar kī baat mat socho

is shajar kī ek Tahnī parle āñgan meñ bhī hai
apne ham-sā.e se phal kā mas.ala chheḌūñgā maiñ