Tags-Aankh

vo lamha-e-avval ki tū jab aañkh meñ utrā
vo vaqt bhī kyā thā ki ghaḌī se nikal aayā

vasl kī shab aañkh dikhlā kar ye anjum kahte haiñ
lo qayāmat aa.ī mashriq se uThā tūfān-e-sub.h

sub.h sunahrī kyuuñ hai itnī shaam meñ itnī laalī kyuuñ hai
vaqt ne shāyad terī aañkh kī shabnam se muñh dhoyā hogā

hūroñ kī taraf aañkh uThā kar bhī na dekhā
kyuuñ ab bhī kahoge tirī nīyat nahīñ achchhī

dillī terī aañkh meñ tinkā
''qutub-mīnār''

aañkh meñ gar na aa sake dil to maqām hai tirā
ḳhalvat-e-dil meñ aa kabhī apne harīm-e-nāz se

jo dekhnā ho to ā.īna-ḳhāna hai ye sukūt
ho aañkh band to ik naqsh bhī dikhā.ī na de

maiñ ne bhī aañkh pher lī us kī taraf se aaj
us ne bhī aaj dūsrā chehra pahan liyā

fazā-e-hosh-o-ḳhirad meñ baḌā añdherā thā
so ham ne aañkh meñ raushan charāġh-e-bāda kiyā

us pe bas aise hī ghabrā.ī huī phirtī thī
aañkh se husn simaTtā hī nahīñ thā us kā

aañkh se qatl kare lab se jalā.e murde
sho.abada-bāz kā adnā sā karishma dekho

ḳhuun ho kar to ye dil aañkh se barsoñ Tapkā
na koī par dil-e-nākām kā armāñ niklā

aañkh jab band huī tab khulīñ āñkheñ apnī
bazm-e-yārāñ jise samjhe the vo zindāñ niklā

apnī hī jalvagarī hai ye koī aur nahīñ
ġhaur se dekh agar aañkh meñ bīnā.ī hai

shikast-e-dil kī talāfī nazar se kyā hogī
Tapak paḌe na tirī aañkh se lahū merā

farāz-e-koh se aatā hai jis tarah paanī
kabhī vo aañkh se aisī adā ke saath utre

jab us kā naam laboñ par duā ke saath utre
to chāñd aañkh meñ koī ghaTā ke saath utre

dekhā jab aañkh bhar ke use Dūbtā gayā
aalam tamām ālam-e-dīgar lagā mujhe

baḌī mushkil se chhupāte haiñ zamāne se tumheñ
zaḳhm risnā bhī hai aur aañkh ko galnā bhī nahīñ

kabhī apnī aañkh se zindagī pe nazar na kī
vahī zāviye ki jo aam the mujhe khā ga.e