Collections

Lab Shayari

Motivational Ghazals

Best Khamoshi Shayari

More Collections

Tags-Aankh

ik raushnī kā zahr thā jo aañkh bhar gayā
har dā.era vo soch kā maflūj kar gayā

ek raushni ka zahr tha jo aankh bhar gaya

fazā kī aañkh bhar aa.ī havā kā rañg uḌā
sukūt-e-shām ne chupke se terā naam liyā

mere nasib ne jab mujhse intiqam liya

jo aañkh ho to dekh tū sarāb hī sarāb hai
na e'tibār tishnagī meñ mauj-e-āb par karo

nae safar ki lazzaton se jism o jaan ko sar karo

hamārī aañkh meñ paanī nahīñ hai
ye sahrā.ī hai bārānī nahīñ hai

hamari aankh mein pani nahin hai

raushnī phūTe qalam ke aañkh se kyuuñ kar 'matīn'
āñsuoñ ke biij dil meñ jab koī botā nahīñ

dhup ka ehsas jaane kyun use hota nahin

sahar qarīb huī aao aañkh meñ bhar leñ
ye paara paara tamannā.eñ ḳhvāb marte hue

KHirad ke jumla dasatir se mukarte hue

samajh rahā thā maiñ ḳhvābīda ḳhud ko sāhil par
khulī jab aañkh to dariyā kī tez dhaar meñ thā

waraq waraq jo zamane ke shahkar mein tha

zabt kī koshish hai jān-e-nā-tavāñ mushkil meñ hai
kyuuñ ayaañ ho aañkh se vo ġham jo pinhāñ dil meñ hai

zabt ki koshish hai jaan-e-na-tawan mushkil mein hai

apnā bātin ḳhuub hai zāhir se bhī ai jān-e-jāñ
aañkh ke laḌne se pahle jī laḌā baiThe haiñ ham

apna baatin KHub hai zahir se bhi ai jaan-e-jaan

baheñ na aañkh se aañsū to naġhmagī be-sūd
khileñ na phuul to rañgīni-e-fuġhāñ kyā hai

ye humse puchhte ho ranj-e-imtihan kya hai

donoñ bhavoñ kī shikneñ haath baTātī haiñ
apnī tezī aañkh banā.ī jaatī hai

rishton ko jab dhup dikhai jati hai

faḳhr-e-amal na chāhiye sa.i-e-amal zarūr hai
aañkh rahe lagī huī rahmat-e-kārsāz par

zom na kijo shama-ru bazm ke soz o saz par

phir koī vus.at-e-āfāq pe saaya Daale
phir kisī aañkh ke nuqte meñ utārā jā.ūñ

phir koi wusat-e-afaq pe saya Dale

dil kā ḳhuun aañkh tak aa hī jaatā
aap kuchh zikr-e-gulistāñ karte

dard ka dard se darman karte

is adā-e-be-niyāzī par hai hairāñ aañkh bhī
aa ga.e dil meñ magar pūchhā na pahre-dār se

ab koi hujjat nahin iqrar ko inkar se

aañkh hai jab mahv-e-hairat to numāyāñ hai vahī
fikr ho jab kār-farmā to vahī mastūr hai

ishq hai ek kaif-e-pinhani magar ranjur hai

soyā to aañkh meñ tire sapne samā ga.e
jaagā to rañg ḳhvāb ke yaksar badal ga.e

jab se junun-e-shauq ke mehwar badal gae

muḌ ke mat dekho zamāne ko ki but ban jāoge
aañkh mīche haath bāñdhe sar jhukā.e chal paḌo

baDh rahe hain sham ke mauhum sae chal paDo

hayā nahīñ hai zamāne kī aañkh meñ baaqī
ḳhudā kare ki javānī tirī rahe be-dāġh

haya nahin hai zamane ki aankh mein baqi

khoTe sikke le kar ghūmeñ ham donoñ bāzāroñ meñ
terī aañkh ke motī jhūTe mere man kā mandir jhuuT

chahat ka sansar hai jhuTa pyar ke sat-samundar jhuT