Tags-Aankh

haañ aañkh tar nahīñ magar aañsū kahāñ se aa.eñ
hamrāz ḳhūn-e-dil to piye jā rahā huuñ maiñ

lafz kī qaid se rihā ho jā
aa mirī aañkh se adā ho jā

diip jalte rahe tāqoñ meñ ujālā na huā
aañkh pāband-e-tahayyur thī udhar dekh na paa.e

log jab dekhne par aa.e to itnā dekhā
aañkh pathrā ga.ī aur had-e-nazar dekh na paa.e

zāhir ki aañkh se na tamāshā kare koī
ho dekhnā to dīda-e-dil vā kare koī

aañkh sarshār-e-tamannā hai to va.ada kar le
chaal kahtī hai ki ab lauT ke aanā kaisā

lauT aayā hai aañkh ke dar par
ḳhvāb-e-ta.abīr se rihā ho kar

muTThī se jis tarah koī jugnū nikal paḌe
dekhā use to aañkh se aañsū nikal paḌe

ḳhushnumā dīvār-o-dar ke ḳhvāb hī dekhā kiye
jism sahrā zehn vīrāñ aañkh giilī ho ga.ī

jānte haiñ ki use dekh ke mar jā.eñge
phir bhī us shaḳhs se ham aañkh milānā chāheñ

camera aañkh meñ zindān liye phirtā hai
koī tasvīr se hijrat bhī nahīñ kar saktā

ye rāz-o-niyāz aur ye samāñ ḳhalvat kā
ye aañkh meñ aañkh Daal denā terā

aañkh hī aañkh thī manzar bhī nahīñ thā koī
tū nahīñ tere barābar bhī nahīñ thā koī

hamārī aañkh meñ Thahrā huā samundar thā
magar vo kyā thā jo sahrā-e-dil ke andar thā

sun rahā huuñ havādis kī āvāz ko pā rahā huuñ zamāne ke har raaz ko
dosto uTh rahā hai diloñ se dhuāñ aañkh lene lagī hichkiyāñ dosto

shāḳh-e-gul jhuum ke gulzār meñ sīdhī jo huī
phir gayā aañkh meñ naqsha tirī añgḌā.ī kā

jo gir sake na kabhī aañkh se guhar ban kar
vo ashk dīda-e-tar meñ rahe to achchhā hai

aañkh is adā se us ne dikhā.ī ki maiñ ne 'shauq'
chupke se apnā mai kā bharā jaam rakh diyā

tīsrī aañkh khulegī to dikhā.ī degā
aur kai din mirā ham-zād judā.ī degā