Tags-Aankh

hoñToñ ko phuul aañkh ko baada nahīñ kahā
tujhko tirī adā se ziyāda nahīñ kahā

aañkh meñ thī hayā har mulāqāt par surḳh aariz hue vasl kī baat par
us ne sharmā ke mere savālāt pe aise gardan jhukā.ī mazā aa gayā

be-hijābāna vo sāmne aa ga.e aur javānī javānī se Takrā ga.ī
aañkh un kī laḌī yuuñ mirī aañkh se dekh kar ye laḌā.ī mazā aa gayā

tum aañkh muuñd ke pī jaao zindagī 'qaisar'
ki ek ghūñT meñ mumkin hai bad-maza na lage

ḳhafā tum se zarā sī der ko ik roz ho baiThā
tumhārī aañkh meñ utrī namī bharpūr hone tak

dil meñ ġham aañkh meñ hañsī dekhī
yuuñ bhī ashkoñ kī ḳhud-kushī dekhī

nargis kī hai vo aañkh na gul kā vo rañg hai
chaltī hai ab kī saal muḳhālif havā-e-bāġh

'saudā' kī jo bālīñ pe gayā shor-e-qayāmat
ḳhuddām-e-adab bole abhī aañkh lagī hai

haiñ kis ke ta.alluq se mirī aañkh meñ aañsū
muTThī meñ sadaf kī ye guhar kis ke liye hai

aañkh tak Dāltā nahīñ gāhak
kuchh ajab jins-e-nā-ravā huuñ maiñ

tirī mast aañkh ne ai sanam mujhe kyā nazar se pilā diyā
ki sharāb-ḳhāne ujaḌ ga.e jo nasha chaḌhā thā utar gayā

tirā ishq hai mirī zindagī tire husn pe maiñ nisār huuñ
tirā rañg aañkh meñ bas gayā tirā nuur dil meñ utar gayā

agar bichhaḌne kā us se koī malāl nahīñ
'shabānā' ashk se phir aañkh kyuuñ bharī huī hai

ek sūraj thā ki tāroñ ke gharāne se uThā
aañkh hairān hai kyā shaḳhs zamāne se uThā

ummīd-e-vafā ke pesh-e-nazar maiñ un kī jafā.eñ bhuul gayā
hai mustaqbil par aañkh mirī maazī ko bhulātā jaatā huuñ

lailā kā siyah ḳhema yā aañkh hai hirnoñ kī
ye shāḳha-e-ġhazālāñ hai yā nāla-e-majnūñ hai

abhī bazm-e-tarab se kyā uThūñ maiñ
abhī to aañkh bhī pur-nam nahīñ hai

pyaar kī aañkh hī nahīñ 'panchhī'
kaun dekhegā dil kī hālat kyā

kyā khule baaġh meñ vo chashm-e-hijāb-ālūda
aañkh uThāte hue nargis ko hayā aatī hai

zabāñ aur aañkh donoñ band rakhnā
qabīle se qayādat boltī hai