Tags-Aankh

jo ho band aañkh to kyā ḳhabar hameñ saaf aane lage nazar
jise ham samajhte haiñ zindagī faqat ek ḳhvāb-o-ḳhayāl hai

khulī vo zulf to pahlī hasīn raat huī
uThī vo aañkh to taḳhlīq-e-kā.enāt huī

chalī chalī mizha-e-ashk-bār aañkh mirī
jalā jalā nafas-e-sho.ala-bār dil merā

kuchh bhī ho 'riyāz' aañkh meñ aañsū nahīñ aate
mujh ko to kisī baat kā ab ġham nahīñ hotā

nikal kar aañkh se ġhā.eb nahīñ hote haiñ ye aañsū
isī paanī se bhartā umr kā paimāna aatā hai

nikal ke aañkh se lafzoñ meñ aane lagte haiñ haiñ
miyāñ ye ashk haiñ yūñhī Thikāne lagte haiñ

shaam āñkhoñ meñ aañkh paanī meñ
aur paanī sarā-e-fānī meñ

shāyad isī ġharaz se chaḌhe the nigāh par
vo raah pā ke aañkh se dil meñ utar ga.e

aañkh tumhārī mast bhī hai aur mastī kā paimāna bhī
ek chhalakte sāġhar meñ mai bhī hai mai-ḳhāna bhī

dekhā kabhī jo dahr ko shā.ir kī aañkh se
ḳhallāq-e-kā.enāt bhī sadiyoñ rahā malūl

havā chalī thī pa shahr-e-jāñ ke the dar muqaffal
ye aañkh apne hī ḳhvāb tāḳhīr dekhtī hai

ek arsa huā manzar nahīñ dekhā koī
husn-e-zebā se mirī aañkh meñ ra.anā.ī ho

husn ko ishq ke aa jaa.eñ jo ādāb kabhī
aañkh shaidā.ī na ho dil na tamannā.ī ho

zindagī se milī sauġhāt ye tanhā.ī kī
ḳhvāb TuuTe haiñ ka.ī aañkh meñ sahrā.ī kī

siyāhī aañkh se le kar ye naama tum ko likhtā huuñ
ki tum naame ko dekho aur tumheñ dekheñ mirī āñkheñ

jo aañkh kī putlī meñ rahā nuur kī sūrat
vo shaḳhs mire ghar ke añdhere kā sabab hai

har ek aañkh meñ ḳhud ko talāsh karte haiñ
abhī shanāḳht 'talab' gum-shuda hamārī bhī hai

vo muskurā rahe ho lo vo aañkh khul ga.ī
yuuñ kaun māntā hai ki jag kar ke soiye

ham kisī aur ko tākeñge tumhāre hote
kyā kahā phir to kaho aañkh milā kar ham se

zarā sī der Thaharne de ai ġham-e-duniyā
zarā sā dekh le vo bhī to aañkh bhar ke mujhe