Tags-Aankh

paas us ke banā diijo mirī aañkh bhī naqqāsh
gar khīñche hai tū naqsh-e-ruḳh us hūr-liqā kā

tābūt hī dekhā na mirā aañkh uThā kar
kyā sharm hai kushta huuñ maiñ us sharm o hayā kā

aañkh nīchī na huī bazm-e-adū meñ jā kar
ye DhiTā.ī ki nazar ham se milāne aa.e

tum ghaTā samjhe the jis ko vo koī bādal na thā
thā kaleje kā lahū vo aañkh kā kājal na thā

vo to nahīñ ki ashk thame hī na aañkh se
nikle hai koī laḳht-e-dil ab sau jalā huā

ik ḳhuuñ aur gosht ke insāñ kā ma.abūd tirī jannat kī qasam
hūroñ se churānā aañkh āsāñ asnām se bachnā mushkil hai

aaj jab aañkh khulī hai to fazā hai ḳhāmosh
sub.h-dam kaun sū-e-dār gayā zindāñ meñ

dauḌte haiñ rāt-din tiin aañkh bārah haath vaale
sard sannāTe meñ āvāz-e-sagāñ chāroñ taraf hai

na brij TuuTe na aañkh jhapkī na vaqt biitā
na jaane kyā kuchh bisarnā thā kyā bisārnā thā

siine se aag aañkh se paanī ragoñ se ḳhuun
ik shaḳhs ham se chhīn ke kyā kyā na le gayā

terā dil hī na kahīñ kaaT ke rakh de 'az.har'
aañkh se girtī huī dhaar kī jānib mat dekh

har gul meñ dekhtā ruḳh-e-lailā vo aañkh se
afsos qais dasht se gulshan nahīñ gayā

phir huā yuuñ ki aañkh ek dam khul ga.ī
muḳhtasar ye ki bas dāstāñ ḳhatm-shud

aañkh us pur-jafā se laḌtī hai
jaan kushtī qazā se laḌtī hai

phail jaatī hai kis tarah āvāz
aañkh kā sehr hai ziyā kyā hai

thā ḳhvāb meñ ḳhayāl ko tujh se muāmla
jab aañkh khul ga.ī na ziyāñ thā na suud thā

thī chaal hashr meñ bhī qayāmat huzūr kī
sach pūchhiye to jheñp ga.ī aañkh huur kī

ik aañkh hai dariyā āñkhoñ kā har manzar us meñ Duub gayā
ik chehra sahrā chehroñ kā aur ham sab is meñ rahte haiñ

lahū kī aañkh thī vo yā gulū-burīda thā
ye kaise ḳhauf kā aalam rahā hai āñkhoñ meñ

mire ḳhvāb so jā
mirī aañkh meñ tairtī ḳhānqāhoñ meñ