Tags-Aashiq

badan se mere vo pūchhtī hai batāo āshiq kahāñ hai merā
dhaḌak ke dil ye javāb detā hai jaan ījād ho rahā hai

āshiq kī siyah-rozī ījād huī jis din
us roz se ḳhvāboñ kī ye zulf pareshāñ hai

rusvā.ī to vaise bhī taqdīr hai āshiq kī
zillat bhī milī ham ko ulfat ke fasāne se

kisī āshiq ke marne kā nahīñ taras
magar yaañ kī musalmānī yahī hai

qatl-e-āshiq kisī ma.ashūq se kuchh duur na thā
par tire ahd se aage to ye dastūr na thā

talab-e-āshiq-e-sādiq meñ asar hotā hai
go zarā der meñ hotā hai magar hotā hai

lab-e-jāñ-baḳhsh sanam kā huuñ jo āshiq to log
jānte haiñ ḳhizar-e-chashma-e-haivāñ mujh ko

but-parastī ne kiyā āshiq-e-yazdāñ mujh ko
parda-e-kufr meñ hāsil huā īmāñ mujh ko

dil-jalā maiñ huuñ vo āshiq ki shab-e-hijr 'qalaq'
sham.a bhī rone lagī dekh garebāñ mujh ko

nāseh mire rone kā na maan.e ho ki āshiq
gar ye na kare kaam to phir kaam kare kyā

vo āshiq ḳhāl-o-ḳhat kā huuñ nazr-e-mor kartā huuñ
mayassar tīsare din bhī jo mujh ko daana aatā hai

qatl se āshiq ke tū ne ab to khaa.ī hai qasam
āḳhir ai qātil ye bāteñ pesh-pā-uftāda haiñ

vo payambar ho ki āshiq qatl-gāh-e-shauq meñ
taaj kāñToñ kā kise duniyā ne pahnāyā na thā

āshiq naqāb-e-jalva-e-jānāna chāhiye
fānūs-e-sham.a ko par-e-parvāna chāhiye

hai vasl hijr ālam-e-tamkīn-o-zabt meñ
māshūq-e-shoḳh o āshiq-e-dīvāna chāhiye

taaza aafat to ek ye hai ki ham
hue us nau-javān par āshiq

ḳhvārī un āshiqoñ kī ve jo hue
tujh se nā-qadr-dān par āshiq

koī in gāliyoñ se Talte haiñ
ham haiñ terī zabān par āshiq

'mus.hafī' gar tū mard-e-kāmil hai
dil na rakh is jahān par āshiq