Tags-Aashiq

tajammul se guzar hogā tire kūche meñ āshiq kā
tamannāoñ kā lashkar kārvāñ-dar-kārvāñ hogā

na vo sambhāle kisī ke sambhle na vo manā.e mane kisī se
jo qatl-e-āshiq pe aa ke machle to ġhair kā phir na āshnā kā

ye rum ye nafrat ye duur khiñchnā ye nañg āshiq ke dekhne se
jo pattā khaTke havā se lag kar to samjhe khaTkā nigah ke pā kā

jām-e-sā.il kī tarah haiñ mirī āñkheñ dar dar
jab se āshiq kisī kāfir-e-shaidā.ī kā

ishq vāloñ kī fuġhāñ zabt-e-fuġhāñ hotī hai
āshiq-e-vaqt ko ye baat batā dī jaa.e

Tal ga.e is ma.arke suuñ ka.ī hazārāñ ai 'alīm'
jo rahā so naam us kā āshiq-e-jāñ-bāz hai

ba-vaqt-e-ā.īna dīdan bulā.ūñ maiñ to kahe
maiñ apne āshiq-e-mā.il se baat kartā huuñ

duniyā-e-dūñ ko aañkh uThā kar na dekhiye
āshiq javān hote haiñ kab pīr-zāl ke

donoñ āshiq tere aur donoñ kī yakjā būd-o-bāsh
merī jaañ jān-o-jigar meñ dekhiye kyūñkar bane

jab kisī ne aan kar dil se mire purḳhāsh kī
baat tab āshiq-garī kī maiñ jahāñ meñ faash kī

koī tanhā.ī kā gosha koī kunj-e-āfiyat
āshiq-o-māshūq yakjā hoñ kahāñ ai āsmāñ

dīdār-talab kā tālib hai use jalva dikhā de
āshiq tū zar-o-māl kā saa.il nahīñ hotā

kār-e-āshiq jo ho nigah meñ durust
kahiye kyā aap kā hai is meñ bigāḌ

pyaar meñ un ke sudh-budh kho kar is tarah behāl hue
log hameñ āshiq āvāra kahte haiñ to kahne do

kahāñ dāman-e-husn āshiq se aTkā
gul-e-dāġh-e-ulfat meñ kāñTā nahīñ hai

vahī ḳhaak uḌānā vahī gardisheñ haiñ
ye maanā ki āshiq bagūlā nahīñ hai

naam meñ bhī hai ayaañ āshiq kī āshufta-sarī
dekhte to hoge aksar bed-e-majnūñ kī taraf

kaam ik ye tire āshiq ne baḌā ḳhuub kiyā
ḳhuun se likh ke ravāna tujhe maktūb kiyā

āshiq jo huā hai to kise par nāgāh
hai merī tarah se haal terā bhī tabāh

is zulf-e-pur-shikan siiñ sanam khol kar girah
āshiq ke dil ke uqda-e-mushkil kuuñ hal kiyā