Tags-Aashiq

jo rotā khol kar dil tañgnā-e-dahr meñ āshiq
to jū-e-kahkashāñ meñ bhī falak par ḳhuuñ ravāñ hotā

pāmāl tum ne gar dil-e-āshiq nahīñ kiyā
talvoñ meñ kyuuñ na ḳhuun kā phir rañg aa gayā

manzūr shīsha-e-dil-e-āshiq hai toḌnā
jo haath meñ liye hue vo sañg aa gayā

kyā batā.eñ ki kis ke āshiq haiñ
vo nazar aa.e to kaheñ is ke

dāġh-e-farāq-o-hasrat-e-vasl ārzū-e-dīd
kyā kyā liye ga.e tire āshiq jahān se

ab chheḌ ye rakhī hai ki āshiq hai to kaheñ
al-qissa ḳhush guzartī hai us bad-gumān se

kab mirī baat tū maanā hai dil
us kā āshiq to zamāna hai dil

aap kuchh aur haiñ āshiq ise kahte haiñ miyāñ
jis ko har chiiz meñ mahbūb nazar aane lage

māntā huuñ bul-havas bhī hote haiñ āshiq magar
un gunahgāroñ meñ kyuuñ kartā hai tū shāmil mujhe

us ne sadqe meñ kiye aaj hazāroñ āzād
dekhiye hotī hai āshiq kī rihā.ī kyūñkar

'mīr' bhī kyā mast tāfeh thā sharāb-e-ishq kā
lab pe āshiq ke hamesha nāra-e-mastāna thā

safā-e-sīna se phislā na kab dil-e-āshiq
ki chāh-e-nāf meñ vo ḳhūñ-girafta jā na rahā

ye kah do āshiq kā us sanam se dil-o-jigar ab ḳharāsh-e-ġham se
gire hai ashkoñ ke saath kaT kaT kabhī idhar ko kabhī udhar ko

shor-e-mahshar se Dareñ kyā āshiq
aise hañgāme huā karte haiñ

fasāna kohkan kā sun ke bole
jo āshiq hogā vo hī jaan degā

samajh le āshiq o ma.ashūq kī ham-āġhoshī
azaab aur to kyā qabr ke fishār meñ thā

āshiq-mizāj rahte haiñ har vaqt taak meñ
siina ko is tarah se ubhārā na kījiye

kahne lagā vo qabr pe āshiq kī kyuuñ guzar
sahvan sar-e-mazār kiyā ham ne kyā kiyā

mere rañg-e-kafan kī shoḳhī dekh
yuuñ hī āshiq tirā sañvartā hai

kyā ziist hai ye ḳhaak mirī āshiq-e-nāshād
gah masraf-e-fariyād huuñ gah vaqf-e-fuġhāñ huuñ