Tags-Aadmi

chehroñ ke maile jismoñ ke jañgal the har jagah
un meñ kahīñ bhī koī magar aadmī na thā

har aadmī kī qismat meñ
ek na ek sazā hotī hai

jale makānoñ meñ bhuut baiThe baḌī matānat se sochte haiñ
ki jañgaloñ se nikal kar aane kī kyā zarūrat thī aadmī ko

byāre tire nayan kuuñ aahū kahe jo koī
vo aadmī nahīñ hai haivān hai bechārā

na aa.e kaam kisī ke jo zindagī kyā hai
bashar-navāz na ho jo vo aadmī kyā hai

shanāḳht jis se zamāne meñ aadmī kī hai
ye iltijā hai ki tū mujh ko vo ḳhudī denā

sitāre dekh ke jalte haiñ āñkheñ malte haiñ
ik aadmī liye sham-e-fasāna aatā hai

abhī vo manzil-e-fikr-o-nazar nahīñ aa.ī
hai aadmī abhī jurm o sazā ke raste meñ

kyā aadmī kī ḳhaak ko rauñdūñ maiñ rahm-dil
rotā hai pā.emāli-e-mardum-giyāh par

kāñToñ pe ehtiyāt se chaltā thā aadmī
in chamchamāte farshoñ pe 'jānib' phisal gayā