Tags-Aah

galā surāhī navā giit soz aah asar
tarañg chīḳh tarannum tarāna sur kī laḌī

sāz-e-daulat ko atā kartī hai naġhme jis kī aah
māñgtā hai bhiik tābānī kī jis se rū-e-shāh

tāsīr aah kī kabhī tum ko dikhā.eñge
ham haiñ to gumbad-e-falak-e-chambarī nahīñ

phir rahā hai mirī nazroñ meñ sarāpā terā
āh-o-qaid-e-sitam aur buḌhāpā terā

aah vo jur.at-e-fariyād kahāñ
dil se tañg aa ke jigar yaad aayā

bazm-e-ishrat meñ dulhan kis ne banāyā thā tujhe
byaah kar kaun apne ghar meñ aah laayā thā tujhe

aah ai dukhiyā ye kaisī pā.emālī ho ga.ī
Thokareñ khāne ko terī god ḳhālī ho ga.ī

aah ai be-kas za.īfa ġham kī taḌpā.ī huī
ai zamāne kī jhinjhoḌī zar kī Thukrā.ī huī

tāsīr kā hai ḳhauf unheñ ain shauq meñ
hai dil pe haath kaan haiñ āvāz-e-āh par

niiñd uḌ ga.ī girāñ hai ye shab rashk-e-māh par
bijlī na kyuuñ falak se gire merī aah par

jo ho bārān-e-rahmat mazra.a-e-aġhyār ke haq meñ
vahī barq-e-ġhazab ho aah haq meñ mere ḳhirman ke

ātishīñ aah kā hai sañg-diloñ par bhī asar
toḌ kar dekh lo patthar meñ sharar hai ki nahīñ

chaman chaman kahīñ aañsū ghuTā ghuTā kahīñ aah
banā rahā hai na.ī kā.enāt ishq-e-tabāh

maiñ zulmat-e-shab meñ le ke niklūñgā apne darmāñda kārvāñ ko
shah nishāñ hogī aah merī nafas mirā sho.ala baar hogā

aah ko sun ke muñh chhupāte ho
ek jhoñke kī bhī naqāb nahīñ

sadā-e-āh hai mizrāb-e-ġham kī chheḌ se paidā
dil-e-nālāñ nayā parda hai qānūn-e-mohabbat kā

laḳht-e-dil se juuñ chhiḌī phūloñ kī gūñdhī hai vale
fā.eda kuchh ai jigar is āh-e-be-tāsīr kā

aah vo manzil jo merī ġhaflatoñ se gum huī
haa.e vo rahbar jo mujh ko raah se bhaTkā ga.e

maflūj raat karb ke bistar pe leT kar
kartī hai ab to āh-o-fuġhāñ kam bahut hī kam

aah kā e'tibār bhī kab tak
aah kā e'tibār thā na rahā