Tags-Aah

bharosa aah par hargiz nahīñ ai yaar āshiq ko
shikār ab tak kahīñ dekhā nahīñ tīr-e-havā.ī kā

apnī kam-fursatī kahūñ kyā aah!
aah az-sīna jasta huuñ yārab

kyā dikhā.ūñ maiñ apne jauhar aah
shakl-e-teġh-e-shikasta huuñ yārab

ho mere qatl meñ qātil kī bhī marzī shāmil
shor-o-ġhul ḳhuub rahe āh-o-baqā ho ki na ho

aah kis andāz se guzrā bayābāñ se ki 'mīr'
jī har ik naḳhchīr kā us said-e-afgan meñ rahā

jo āh-e-pechāñ se ashk shab ko falak pe gardish-kunāñ chaḌhegā
to gird-e-mah do paḌeñge haale ba-āb-e-avval dovam-ba-ātish

falak se devoñ kī tarah us bin sarishk-o-āh-e-'baqā' se ab to
chaḌhe haiñ laḌne ko do risāle ba-āb-e-avval dovam-ba-ātish

mabād furqat meñ chashm-o-dil kī ye ashk-rezī aur āh-ḳhezī
balā-e-nāgah jahāñ pe Daale ba-āb-e-avval dovam-ba-ātish

sarishk-o-āh ab ye be-asar haiñ ki jā falak tak shab-e-judā.ī
dar-e-asar par ye de haiñ taale ba-āb-e-avval dovam-ba-ātish

na lagā le ga.e jahāñ dil ko
aah le jā.iye kahāñ dil ko

mar gayā pis gayā na kī par aah
āfrīñ aise be-zabāñ dil ko

aah kyā kiije yaañ banāyā hai
dil-girafta hī ġhuncha saañ dil ko

ajab tarah se nazar paḌ gayā mire hamdam
qayāmat aah vo mukhḌā bhī pyārā pyārā hai

na dekhūñ tujh ko to aatā nahīñ kuchh aah nazar
tū merī putlī kā āñkhoñ kī yaar taarā hai

rone meñ abr-e-tar kī tarah chashm ko mere josh hai
naala meñ aah ra.ad sā shor hai aur ḳharosh hai

tumhārī aah bhī hai bār-e-ḳhātir
takallum ke shaho āhista bolo

ab āh-e-zer-e-lab hai bazm kī rasm
isī rau meñ baho āhista bolo

mahtāb-rū ke ruḳh pe siyah ḳhat nahīñ 'sirāj'
jā kar khalā huā hai mire duud aah kā

ġhaflat kī hañsī se aah bharnā achchhā
afa.āl-e-muzir se kuchh na karnā achchhā