Tags-Aah

aah kī siiḳh palaT ātish-e-ġham par jaldī
chalī aatī hai kabāb-e-dil-e-dil-gīr kī bū

kyā karūñ nā-sāzī-e-tāle.a kā maiñ shikva ki aah
jis ko jī chāhe hai merā us kā jī miltā nahīñ

ḳhadañg aah kā ai falak be-tarah hai
bharosā tū tāroñ kī mat kar zirah kā

nafas pe ġhālib hai nafs takiya harām se sochnā samajhnā
zamīr jaage to aah bhar lo ki ab qayāmat hī aa rahī hai

dard-e-dil kitnā pasand aayā use
maiñ ne jab kī aah us ne vaah kī

aah is ma.asūm ko kaise batā.ūñ
kyuuñ use khone kī jaldī hai mujhe

chhuḌāyā thā nipaT mushkil se phir aah
dil aTkā us kī zulf-e-pur-shikan meñ

taqdīr-e-azal aah to bhartī hogī
rūh-e-abadī dard se martī hogī

aah is umr-e-mohabbat meñ kabhī ai 'bismil'
ek din aa.egā ye din mujhe ma.alūm na thā

aah ho saktī hai bedād pe maa.il vo nazar
ho jo altāf kī zāmin mujhe ma.alūm na thā

us ke kūche kī taraf thā shab jo dañgā aag kā
aah se kis kī paḌā thā vaañ patiñgā aag kā

phir vahī yādeñ vahī aañsū vahī āh-o-fuġhāñ
phir vahī dīvār-o-dar hai raat hai tanhā.ī hai

kisū kam-zarf ne lagā.ī aah
tujh se mai-ḳhāne ke jalāne kī

jab kiyā qasd-e-zabt-e-āh 'azīz'
dil meñ chhālā sā ik ubhar aayā

jo vaj.h-e-rāhat bhī na the aur TuuT ga.e to ġham na huā
aah vo rishte kyuuñ ham ne ik umr nibāhe rakkhe the

ġhair aa.e pīchhe pā ga.e mujre kā baar pahle
ham aah baiThe rah ga.e aa.e hazār pahle

kis qayāmat kā sāmnā hogā
bujh gayā dil to aah kyā hogā

zabt maane hai ki vo shoḳh shikāyat na kare
be-sadā aah bhī hai misl-e-asar aaj kī raat

kyā kahūñ aah maiñ kisū ke huzūr
niiñd kis baat par nahīñ aatī

har dam aatī hai garche aah par aah
par koī kārgar nahīñ aatī