Tags-Aaina

anā ke dam se hai nāz-e-hastī anā ke jalvoñ kā ā.īna-dār hai har ik fan
vo ḳhud-numā.ī jo ḳhushnumā hai magar jo thoḌī sī nargisī hai vo shā.irī hai

ham ā.īna haiñ magar aks-e-zāt se mahrūm
tirī sadā haiñ magar nā-shunīda haiñ ham log

chashm hairāñ hai, sar-e-ā.īna
rūnumā kaun huā hai mujh meñ

tamāshā ki ai mahv-e-ā.īna-dārī
tujhe kis tamannā se ham dekhte haiñ

ḳhud ko ā.īna banā rakkhā hai jab se meñ ne
zindagī sāmne aate hue sharmātī hai

gomtī dekh chukī jalva-e-āriz kī bahār
sat.h-e-rāvī ko bhī ā.īna banā de aa kar

phir vahī ham hoñ vahī din hoñ vahī rāteñ hoñ
ahd-e-rafta ko phir ā.īna dikhā de aa kar

ḳhāksārī kyā ajab khove agar dil kā ġhubār
ḳhaak se dekho ki ā.īna safā kyūñkar huā

jin ko yaktā.ī kā da.avā thā vo misl-e-ā.īna
un ko hairat hai ki paidā dūsrā kyūñkar huā

vo rū-ba-rū hai to hotī hai ḳhud-shanāsā.ī
jamāl-e-yār ko ham ā.īna kaheñ apnā

ye soch kar kabhī aks us kiran kā utrā thā
is ā.īna meñ sadā dil khilā rahegā mirā

jab bhī tanhā.ī mile ā.īna hai yā maiñ huuñ
us ne kis aan se kis aan meñ dekhā thā mujhe

giraftār hai sehr-e-ā.īna-gar kā
pas-e-ā.īna kis tarah yaar utre

vo ā.īna hai to hairat kisī jamāl kī ho
jo sañg hai to kahīñ rahguzar meñ rakkhā jaa.e

muusā faqat na the tire ā.īna-dāroñ meñ
iisā bhī karte the lab-e-mojiz-numā kā kaam

ā.īna gir paḌā thā mire haath se kabhī
phir yaad hādsa nahīñ koī zamīr kā

vo jo ik ā.īna sā lagtā hai
sach to ye hai ki rū-ba-rū bhī nahīñ

dil tirā faulād ho to aap ho ā.īna-vār
saaf yak-bārī sune merī agar rūdād tū

ā.īna dekh kar vo kahne lage aap hī aap
aise achchhoñ kī kare koī burā.ī kyūñkar

qalb-e-pākīza-nihād o dil-e-sāfī de kar
ā.īna ham ko banāyā hai to hairāñ hoñge