dāvar-e-hashr zarā aur baḌhe baat ki bas
mujh se kuchh aur bhī pūchheñge savālāt ki bas
jis ko sun kar kabhī ḳhush hote ho nārāz kabhī
aap farmā.eñ ki dohrā.ūñ vahī baat ki bas
kyā maiñ ab chhoḌ duuñ yārab yahīñ ummīd kā saath
kyā abhī aur Thahar saktī hai ye raat ki bas
zindagī kyā isī uljhan meñ guzar jā.egī
kyā abhī aur bhī bigḌeñge ye hālāt ki bas
ye qayāmat kī ghaḌī sar se Talegī yārab
haiñ dikhāne ko abhī aur kamālāt ki bas