jab se tire lahje meñ thakan bol rahī hai
dil meñ mire sūraj kī jalan bol rahī hai
kyuuñ dal ke dhaḌakne kī sadā ho ga.ī maddham
lagtā hai ki sāñsoñ meñ thakan bol rahī hai
kahtī hai ki in.aam hai ye dar-ba-darī kā
paañv meñ jo kāñToñ kī chubhan bol rahī hai
muddat se lahū-rañg hai ashkoñ kī ravānī
zaḳhmoñ meñ zamāne kī dukhan bol rahī hai
ab duur nahīñ khil ke bikhar jaane kā mausam
phūloñ se ye ḳhushbū-e-chaman bol rahī hai
aa jā.egā vo jis se hai milne kī tamannā
'mīnā' ye tire dil kī lagan bol rahī hai