jazb-e-dil kārgar nahīñ hotā
us ke dil par asar nahīñ hotā
dard dil meñ agar nahīñ hotā
baat meñ kuchh asar nahīñ hotā
na kare tark pairvī jab tak
rāh-rau rāhbar nahīñ hotā
rañg laatī nahīñ mohabbat kuchh
soz jab tak sharar nahīñ hotā
nahīñ khultā dar-e-nashāt-e-abad
chaak jab tak jigar nahīñ hotā
baḌhte jaate haiñ raah meñ kāñTe
yārab aage safar nahīñ hotā
jāntā huuñ ma.āl-e-betābī
dil pe qaabū magar nahīñ hotā
ho na jab tak usī kā fazl-o-karam
qatra dariyā 'jigar' nahīñ hotā