Bashir Badr

mujhse bichhaD ke KHush rahte ho

Bashir Badr

Ayodhya, Uttar pradesh, India

1935
mujh se bichhaḌ ke ḳhush rahte ho
merī tarah tum bhī jhūTe ho
ik dīvār pe chāñd Tikā thā
maiñ ye samjhā tum baiThe ho
ujle ujle phuul khile the
bilkul jaise tum hañste ho
mujh ko shaam batā detī hai
tum kaise kapḌe pahne ho
dil kā haal paḌhā chehre se
sāhil se lahreñ ginte ho
tum tanhā duniyā se laḌoge
bachchoñ sī bāteñ karte ho
Top Urdushayar.com