agar talāsh karūñ koī mil hī jā.egā
magar tumhārī tarah kaun mujh ko chāhegā
tumheñ zarūr koī chāhatoñ se dekhegā
magar vo āñkheñ hamārī kahāñ se lā.egā
na jaane kab tire dil par na.ī sī dastak ho
makān ḳhālī huā hai to koī aa.egā
maiñ apnī raah meñ dīvār ban ke baiThā huuñ
agar vo aayā to kis rāste se aa.egā
tumhāre saath ye mausam farishtoñ jaisā hai
tumhāre ba.ad ye mausam bahut satā.egā