tum koī is se tavaqqo na lagānā mare dost
ye zamāna hai zamāna hai zamāna mire dost
sāmne to ho tasavvur meñ kahānī koī
ik haqīqat se baḌā ek fasāna mire dost
mere beTe maiñ tumheñ dost samajhne lagā huuñ
tum baḌe ho ke mujhe duniyā dikhānā mire dost
dekh saktā bhī nahīñ mujh ko zarūrat bhī nahīñ
merī tasvīr magar us ko dikhānā mire dost
kahne vaale ne kahā dekh ke chehra merā
ġham-e-ḳhazāna hai ise sab se chhupānā mire dost
terī mahfil ke liye bā.is-e-barkat hogā
nā-murādān-e-mohabbat ko bulānā mire dost
tum ko ma.alūm to hai mujh pe jo guzrī 'taimūr'
pūchh kar mujh se zarūrī hai rulānā mire dost