mustaqbil raushan-tar kahiye
lekin aañkh milā kar kahiye
barbādī ko manzar kahiye
kahiye soch samajh kar kahiye
samjhāyā thā dekh ke chaliye
kaisī khaa.ī Thokar kahiye
dam ghuTne kī baat alag hai
tauq-e-gulū ko zevar kahiye
aañsū haiñ qānūn se bāhar
ġham kī bāteñ hañs kar kahiye
ā.īna dikhlānā hogā
sachchī bāteñ muñh par kahiye
shaiḳhī kī bhī had hotī hai
kab tak behtar behtar kahiye