tum ġhair se milo na milo maiñ to chhoḌ duuñ
gar is vafā pe koī kahe bevafā mujhe
sach hai tū bad-gumāñ hai samajhtā hai kuchh kā kuchh
bosa na lenā thā tire ā.īne kā mujhe
insāf kar ḳharāb na phirtā maiñ dar-ba-dar
miltī jo tere gosha-e-ḳhātir meñ jā mujhe
us but kī maiñ dikhā.ūñgā tasvīr vā.izo
phir kyā kahegā dāvar-e-roz-e-jazā mujhe
kyuuñ un se vaqt-e-qatl kiyā shikva ġhair kā
karnī thī maġhfirat hī kī apnī duā mujhe
pūchhe jo tujh se koī ki 'taskīñ' se kyuuñ milā
kah diijo haal dekh ke rahm aa gayā mujhe