māyūs zindagī ke sahāre chale ga.e
Thukrā ke ham ko dost hamāre chale ga.e
ummīd-o-ārzū kī bahāroñ ke saath saath
gulzār-e-zindagī ke nazāre chale ga.e
har manzil-e-hayāt pe un ko kiyā talāsh
har raah meñ ham un ko pukāre chale ga.e
raushan thī jin se merī shab-e-zindagī nadīm
jaane kahāñ vo chāñd sitāre chale ga.e
us bevafā kī yaad ke miTte hue nuqūsh
'nayyar' ham apne dil meñ utāre chale ga.e