kahī baat us ne bhī ḳhadshāt kī
kahāñ the ye tum ne kidhar raat kī
ye shiknoñ bharī jo tirī shaal hai
hai kahtī kahānī kisī raat kī
hamesha rahegī mire saath ye
sanam tum ne ġham kī jo sauġhāt kī
tirī aañkh ne jab bhī dekhā hameñ
kalī muskurā dī hai jazbāt kī
bahut dukh se sahnī paḌī hai mujhe
ghaḌī ye mohabbat ke sadmāt kī
ye patthar jo maarā tirī yaad ne
badal dī kahānī ḳhayālāt kī
thiiñ bāñheñ gale meñ mire yaar kī
ye tasvīr thī us mulāqāt kī