laakh āvāra sahī shahroñ ke fuTpāthoñ pe ham
laash ye kis kī liye phirte haiñ in hāthoñ pe ham
ab unhīñ bātoñ ko sunte haiñ to aatī hai hañsī
be-tarah īmān le aa.e the jin bātoñ pe ham
koī bhī mausam ho dil kī aag kam hotī nahīñ
muft kā ilzām rakh dete barsātoñ pe ham
zulf se chhantī huī us ke badan kī tābisheñ
hañs diyā karte the aksar chāñdnī rātoñ pe ham
ab unheñ pahchānte bhī sharm aatī hai hameñ
faḳhr karte the kabhī jin kī mulāqātoñ pe ham