rahne de shab apne paas mujh ko
auroñ sā na kar qayās mujh ko
rah jā ki kahūñgā haal dil kā
aa jaa.eñ tanik havās mujh ko
dil nāzuk o kār-e-ishq dar-pesh
apnā hai nipaT hirās mujh ko
yā-rab gayā kaun yaañ se mehmāñ
lagtā hai ye ghar udaas mujh ko
mahram se tū suniyo haal merā
na.iiñ tāqat-e-iltimās mujh ko
hairat ne kiyā hai yak jahāñ kā
juuñ ā.īna rū-shanās mujh ko
ko jāma-e-ḳhāk-o-ḳhūñ ki 'qā.em'
sajtā thā vahī libās mujh ko