na dil bharā hai na ab nam rahā hai āñkhoñ meñ
kabhū jo ro.e the ḳhuuñ jam rahā hai āñkhoñ meñ
maiñ mar chukā huuñ pe tere hī dekhne ke liye
habāb-vār tanik dam rahā hai āñkhoñ meñ
muvāfaqat kī bahut shahriyoñ se maiñ lekin
vahī ġhazāl abhī ram rahā hai āñkhoñ meñ
vo mahv huuñ ki misāl-e-habāb-e-ā.īna
jigar se ashk nikal tham rahā hai āñkhoñ meñ
basān-e-ashk hai 'qā.em' tū jab se āvāra
vaqār tab se tirā kam rahā hai āñkhoñ meñ