diyā jalā.egī tū aur maiñ bujhāhuñgā
mujhe na chaah maiñ nafrat se pesh ā.ūñgā
maiñ saḳht-dil hī rahūñgā yahī ri.āyat hai
maiñ baar baar tirā dil nahīñ dukhā.ūñgā
mujhe patā nahīñ kyā ho gayā hai kuchh din se
patā chalā bhī to tujh ko nahīñ batā.ūñgā
maiñ chāhtā huuñ mirī baat kā asar kam ho
ziyāda der magar jhuuT kah na pā.ūñgā
hañsī kī baat hai apnī hī aur vo ye ki
mirā ḳhayāl thā maiñ tujh ko bhuul jā.ūñgā