Arif Ishtiaque

zindagi yun karen basar kab tak

Arif Ishtiaque

Pakistan

1979

zindagī yuuñ kareñ basar kab tak

ham mileñge nahīñ magar kab tak

tum ba-zāhir jo lā-ta.alluq ho

aur ham tum se darguzar kab tak

rāste rāste gumāñ terā

aur tanhā karūñ safar kab tak

aah nikle na kab talak āḳhir

ḳhuun hotā rahe jigar kab tak

aao dekheñ ye hijr sahrā

aur kartā hai dar-ba-dar kab tak

ek ummīd-e-vasl hai lekin

ek ummīd pe guzar kab tak

Top Urdushayar.com