Wali Uzlat

kufr momin hai na karna dil-baran se iKHtilat

Wali Uzlat

Surat, Gujarat, India

1692-1775

kufr momin hai na karnā dil-barāñ se iḳhtilāt

kar liyā ka.abe ne bhī kai din butāñ se iḳhtilāt

banda us bulbul huuñ jo bū-e-gul ke vāste

garm rakkhe haa.e har ḳhār-e-ḳhizāñ se iḳhtilāt

ḳhāksāroñ hai ulfat rahravān-e-ishq se

jaise gard-e-rāh hai kārvāñ se iḳhtilāt

kyuuñ na hove puḳhta o bar-jasta raushan dil sher

duud o sho.ale suḳhan ko hai zabāñ se iḳhtilāt

dil-shikan ke vāste dast-e-duā 'uzlat' uThā.e

jaise ġhunche nasīm-e-gulsitāñ se iḳhtilāt

Top Urdushayar.com