hairat se dekhtā huā chehra kiyā mujhe
sahrā kiyā kabhī kabhī dariyā kiyā mujhe
kuchh to ināyateñ haiñ mire kārsāz kī
aur kuchh mire mizāj ne tanhā kiyā mujhe
pathrā ga.ī hai aañkh badan boltā nahīñ
jaane kis intizār ne aisā kiyā mujhe
tū to sazā ke ḳhauf se āzād thā magar
merī nigāh se koī dekhā kiyā mujhe
āñkhoñ meñ ret phail ga.ī dekhtā bhī kyā
sochoñ ke iḳhtiyār ne kyā kyā kiyā mujhe