zarā sā rañg hī bhar do mire dil ke fasāne meñ
bhalā kyā der hogī tum ko mere paas aane meñ
ghuTan ke ba.ad jab dil ko zarā ārām miltā hai
maza aatā hai kitnā gungunāne muskurāne meñ
mujhe ma.alūm hai harjā.ī dhoke-bāz hai kitnā
ki aise log bhī hote hī haiñ āḳhir zamāne meñ
chhupā luuñ rāz-e-dil kitnā hī ik din khul ke rahtā hai
to phir be-kār hai duniyā se chhupne aur chhupāne meñ
'munavār' ko samajh na paa.e kyoñ jaane jahāñ vaale
milegā kab koī mujh jaisā sāda-dil zamāne meñ