abas DhūñDā kiye ham nā-ḳhudāoñ ko safīnoñ meñ
vo the āsūda-e-sāhil mile sāhil-nashīnoñ meñ
vo auroñ ke butoñ ko toḌne vāloñ ko dekho to
chhupā.e phirte haiñ apne butoñ ko āstīnoñ meñ
hamārī bekasī aur nā-tavānī kā ḳhudā hāfiz
ki talvāreñ haiñ pinhāñ rahbaroñ kī āstīnoñ meñ
chhalak jaatī hai ashk-e-garm ban kar merī āñkhoñ se
Thahartī hī nahīñ sahbā-e-dard in ābgīnoñ meñ
mire ash.ār haiñ ā.īna-e-soz-e-darūñ 'bazmī'
jhalaktā hai mirā ḳhūn-e-jigar in ābgīnoñ meñ