lahū ragoñ meñ sambhālā nahīñ gayā mujh se
kisī dishā meñ uchhālā nahīñ gayā mujh se
suDaul bāñhoñ meñ bhartā maiñ loch sāvan kā
vo sañg mom meñ Dhālā nahīñ gayā mujh se
maiñ ḳhvāb paḌhtā thā hamsā.egī kī abjad se
magar vo husn ḳhayālā nahīñ gayā mujh se
vahī hai mere lahū meñ chamak ulūhī sī
samay ujālne vaalā nahīñ gayā mujh se
firāq kahtī thiiñ nepālī naddiyāñ 'āmir'
magar shikoh-e-himāla nahīñ gayā mujh se