paḌā hai paañv meñ ab silsila mohabbat kā
burā hamārā huā ho bhalā mohabbat kā
jamāl-e-sāf kī muusā ko taab kab aa.ī
jo dekhiye to hai tālib ḳhudā mohabbat kā
har ek dar pe hai gardish meñ merā kāsa-e-chashm
vo shāh-e-husn huā ye gadā mohabbat kā
na sīm-o-zar kī hai hājat na kuchh hukūmat kī
ugaal de ke diyā ḳhūñ-bahā mohabbat kā
kidhar se jaatā thā 'aḳhtar' ye kyā huā afsos
ḳhudā bachā.e huā sāmnā mohabbat kā