Jaleel Manikpuri

abhi se aafat-e-jaan hai ada ada teri

Jaleel Manikpuri

Manikpur, Uttar pradesh, India

1866-1946

abhī se āfat-e-jāñ hai adā adā terī

ye ibtidā hai to kyā hogī intihā terī

mirī samajh meñ ye qātil na aaj tak aayā

ki qatl kartī hai talvār adā terī

naqāb laakh chhupā.e vo chhup nahīñ saktī

mirī nazar meñ jo sūrat hai dilrubā terī

lahū buuñd bhī ai tīr-e-yār dil meñ nahīñ

ye fikr hai ki tavāzo karūñ maiñ kyā terī

suñghā rahī hai mujhe ġhash meñ nik.hat-e-gesū

ḳhudā darāz kare umr ai sabā terī

adā pe naaz to hotā hai sab hasīnoñ ko

fazā ko naaz hai jis par vo hai adā terī

'jalīl' yaar ke dar tak guzar nahīñ na sahī

hazār shukr ki hai us ke dil meñ terī

Top Urdushayar.com