sar se utre nahīñ phuul manzil kī dhun ham-safar baat sun
raah meñ ḳhaar aa.eñ to talvoñ se chun ham-safar baat sun
dhuup meñ to safar saḳht dushvār hai be-shajar raah kā
sar kī ḳhātir koī soch saaya hī bun ham-safar baat sun
rābta apnā zarḳhez miTTī se rakh aur sarsabz rah
khā gayā kitne sūkhe daraḳhtoñ ko ghun ham-safar baat sun
kuchh batā dil ki dillī se kis lucknow kī taraf jā baseñ
kaun bastī hai jis par barastā hai hun ham-safar baat sun
har qadam par amiir is tarah Thaharnā sochnā kis liye
vaqt chhalnī hai aur is meñ paanī na pun ham-safar baat sun