Mohammad Alvi

aankh mein dahshat na thi hath mein KHanjar na tha

Mohammad Alvi

Ahmedabad, Gujarat, India

1927-2018

aañkh meñ dahshat na thī haath meñ ḳhanjar na thā

sāmne dushman thā par dil meñ koī Dar na thā

us se bhī mil kar hameñ marne hasrat rahī

us ne bhī jaane diyā vo bhī sitamgar na thā

ik pahāḌī pe maiñ baiThā rahā der tak

shauq se dekhā karūñ aisā bhī manzar na thā

ham se jo aage ga.e kitne mehrbān the

duur talak raah meñ ek bhī patthar na thā

raat bahut der se aañkh lagtī thī zarā

niiñd meñ kamra na thā ḳhvāb meñ bistar na thā

sher to ham ne bahut Thiik kiyā thā magar

ab bhī ġhalat thā kahīñ ab bhī barābar na thā

sochā thā is baar to ke 'zafar' se mileñ

kyā kareñ 'alvī' magar aisā muqaddar na thā

Top Urdushayar.com