chashm-e-tar hai sahāb hai kyā hai
ashk gauhar hai aab hai kyā hai
marnā jiinā janāb hai kyā hai
har-nafas inqalāb hai kiyā hai
zahar phailā fazā meñ nafrat kā
ye siyāsat kā baab hai kyā hai
jām-e-duniyā ko muñh lagā kar dekh
zahar hai yā sharāb hai kyā hai
sinf-e-nāzuk ye tabsira kījiye
ḳhaar hai yā gulāb hai kyā hai
ham se aalam kī pūchh asliyat
ye haqīqat hai ḳhvāb hai kyā hai
kaun jaan adāoñ meñ us kī
bachpanā hai shabāb hai kyā hai
vo 'vaqār' aap kā murassā-e-'hilm'
be-nuqat ik kitāb hai kyā hai