saaqī khultā hai paimāna khultā hai
sachche rindoñ par mai-ḳhāna khultā hai
un galiyoñ meñ log bhaTakte dekhe haiñ
jin galiyoñ meñ dānish-ḳhāna khultā hai
mujh ko paḌhne aa jaate haiñ lākhoñ log
jab bhī ġhazloñ kā tah-ḳhāna khultā hai
tum par shāyad chaar bahāreñ khultī hoñ
mujh se to har pal vīrāna khultā hai
sab kī āñkhoñ meñ aañsū aa jaate haiñ
'āzar' jab koī dīvāna khultā hai