kyā dekhtā hai haal ke manzar idhar bhī dekh
maazī ke naqsh yaad kī dīvār par bhī dekh
dekhe haiñ mere aib to merā hunar bhī dekh
saudā hai jis meñ apnā anā kā vo sar bhī dekh
le kaam mujh se saḳht uḌānoñ kā tū magar
pahle mirī nigāh mire bāl-o-par bhī dekh
chehre ke rañg-o-nūr ko merā hunar samajh
mujh ko mirī nazar se kabhī jhāñk kar bhī dekh
ik baar aur bach ke zamāne kī aañkh se
huuñ dekhne kī chiiz to bār-e-digar bhī dekh