nāla-e-sabā tanhā phuul kī hañsī tanhā
is chaman kī duniyā meñ hai kalī kalī tanhā
raat din ke hañgāme ek muhīb tanhā.ī
sub.h-e-zīst bhī tanhā shām-e-zīst bhī tanhā
kaun kis kā ġham khaa.e kaun kis ko bahlā.e
terī be-kasī tanhā mary bebasī tanhā
dekhiye to hote haiñ saare ham-qadam rah-rav
kāTiye to kaTtī hai rāh-e-zindagī tanhā
chārasāz ho kar bhī husn ke ye tevar haiñ
dard se taḌaptā hai soz-e-āshiqī tanhā