vo aur mohabbat se mujhe dekh rahā ho

kyā dil kā bharosā mujhe dhokā hī huā ho

hogā koī is dil sā bhī dīvāna ki jis ne

ḳhud aag lagā.ī ho bujhāne bhī chalā ho

ik niiñd kā jhoñkā shab-e-ġham aa to gayā thā

ab vo tire dāman kī havā ho ki sabā ho

dil hai ki tirī yaad se ḳhālī nahīñ rahtā

shāyad hī kabhī maiñ ne tujhe yaad kiyā ho

'zeb' aaj hai be-kaif sā kyuuñ chāñd na jaane

jaise koī TuuTā huā paimāna paḌā ho