sūraj ne ik nazar mire zaḳhmoñ pe Daal ke
dekhā hai mujh ko khiḌkī se phir sar nikāl ke
rakhte hī paañv ghūmtī chakrātī raah ne
pheñkā hai mujh ko duur ḳhalā meñ uchhāl ke
kyā ḳhvāhisheñ zamīn ke nīche dabī rahīñ
ġhāroñ se kuchh mujassame nikle visāl ke
chhan chhan ke aa rahī ho guphāoñ meñ raushnī
tan par vahī libās hoñ peḌoñ kī chhāl ke
rañgoñ kī rau hai 'zeb' ki gardish meñ hai mudām
be-shakl-o-jism ubhre haiñ paikar ḳhayāl ke