husn kī chāragarī ne ek karishma kar diyā
haath se chhū kar faqat bīmār achchhā kar diyā
dāl-roTī khā ke muflis kaaT lete the magar
ab siyāsat ne use bhī ḳhvāb jaisā kar diyā
ek misre par rukā thā silsila jo der se
us ne dekhā muskurā kar sher puurā kar diyā
shahr meñ chehre the yuuñ kahne ko to sab muḳhtalif
ishq ne har ek chehra aap jaisā kar diyā
ik anā jo dil ke andar chhup ke baiThī thī mire
us ne merī har duā ko be-natīja kar diyā