zikr hotā hai jahāñ bhī mire afsāne kā
ek darvāza sā khultā hai kutub-ḳhāne kā
ek sannāTā dabe-pāñv gayā ho jaise
dil se ik ḳhauf sā guzrā hai bichhaḌ jaane kā
bulbula phir se chalā paanī meñ ġhote khāne
na samajhne kā use vaqt na samjhāne kā
maiñ ne alfāz to bījoñ kī tarah chhāñT diye
aisā mīThā tirā andāz thā farmāne kā
kis ko roke koī raste meñ kahāñ baat kare
na to aane kī ḳhabar hai na patā jaane kā