dars detā hai shakebā.ī kā
vo tirā zo.am masīhā.ī kā
tā.ir-e-dīd tamāshā.ī kā
mo'tarif hai tirī gīrā.ī kā
hai yahī sharh-e-hadīs-e-ādam
zindagī naam hai rusvā.ī kā
naqs-e-parvāz-e-nazar hai varna
aa.ina huuñ tirī yaktā.ī kā
ban gayā rah-numā-e-manzil
vo bhaTaknā tire saudā.ī kā
terī mahfil kī fazā-e-rañgīñ
naqsh jaise koī chuġhtā.ī kā
ban gayā soz-e-mohabbat 'farhat'
ik harīf ātish-e-mīnā.ī kā