aapkā jab se aanā huā
ḳhushnumā āshiyāna huā
un kī bāteñ ġhazal ho ga.iiñ
apnā dil shā.irāna huā
raat kī kyā kaheñ raat bhar
un kā ḳhvāboñ meñ aanā huā
ishq kiije to mat sochiye
kis galī aanā jaanā huā
dil kā panchhī vahīñ jā.egā
jis jagah āb-o-dāna huā
jis ke bin ek pal bojh thā
us ko dekhe zamāna huā
qad se saaya baḌā ho gayā
shaam kā jiyūñ jiyūñ aanā huā
chain ik pal nahīñ hai 'ratan'
jab se dil kā lagānā huā