Jameela Khuda Bakhsh

kiya jab sabr furqat mein to phir zikr-e-butan kaisa

Jameela Khuda Bakhsh

Kolkata, West Bengal, India

1861-1921

kiyā jab sabr furqat meñ to phir zikr-e-butāñ kaisā

ba-āh-o-zāriyāñ kaisī haiñ ye shor-e-fuġhāñ kaisā

bagūle tarah se ḳhaak uḌānā hai muqaddar meñ

vatan kyā ḳhānamāñ-barbād tere makāñ kaisā

huā fikr-o-tasavvur se vo tasvīr-e-sanam jab to

bigaḌ jaanā hai ab mujh se dil-e-nā-mehrabāñ kaisā

qafas meñ band huuñ maiñ go qafas ho shāḳh-e-tauba par

ye mere vāste qaid-e-mihan hai bostāñ kaisā

ye sābit ho chukā tum par nahīñ Darte ye marne se

liyā karte ho jāñ-bāzoñ phir tum imtihāñ kaisā

lahad meñ chain miltā hai kahāñ zahmat-nasīboñ ko

jhapaktī nahīñ āñkheñ mirī ḳhvāb-e-girāñ kaisā

qadam rakhnā zamīñ par zo.af se mujh ko huā mushkil

kyā dard jigar ne aah mujh ko nā-tavāñ kaisā

añdhere ho ga.e haiñ donoñ aalam merī nazroñ meñ

zamīñ kaisī hai mere vāste aur āsmāñ kaisā

'jamīla' ālimoñ se saaf kah de tujh ko Dar kis

makān-e-dil maqām-e-kibriyā hai lā-makāñ kaisā

Top Urdushayar.com